LA RUBRICA
A son agns che la spese le fâs Vigji. Ogni volte che al jentre inte buteghe, nol pues fâ di mancul di pensâ a cetante robe che e je in biele mostre su lis scansiis o intai conzeladôrs. Miârs e miârs di scjatutis, di bustutis, di bocins, di sacuts, di bussulotuts ducj metûts in file. Al crot che no sedi cussì facil gjestî une buteghe, ancje parcè che une grande part di chei prodots li a àn une date di scjadince e duncje a àn di jessi gjavâts e sostituîts par timp. La maravee pai voi e je cuant che al rive intal repart des pomis e des verduris. Côi e côi di robe, mil colôrs e ogni altre zornade un gnûf tip di pome o di verdure che al va a zontâsi sui riplans za straplens. Pardabon rivino a vendi intune zornade dute che robe li? Nol è mighe pussibil. Il zûc de strategjiis di marcjât al vûl che la int e vebi a disposizion cent voltis la robe che di fat i coventarès, in maniere che e compri almancul il dopli di ce che e à dibisugne. Tropis voltis, par esempli, cuant che si va a cene fûr, si rive a cjase cu la panze pronte a tirâ un ton? O vin mangjât cui voi e il stomi al à dome scugnût sta cidin e parâ jù. Il nestri Vigji al crôt che o sedin obleâts a compuartâsi intune maniere za fissade, propit par vie di ciertis regulis dal marketing, cundut che no lis vin mai letis. Nissun al comprarès lis trisculis se a nt fossin nome cuatri e butadis li a sdavàs intune casselute. Si vise ancje che la prime volte che al jere lât fûr cu la sô femine, al jere restât une vore impressionât par chê cotule curte che e meteve in mostre dôs gjambis lungjis e perfetis. A saressin stadis impecabilis ancje sot i bregons, ma l'efiet nol sarès stât compagn! Al à di ameti, dut câs, che chê prime volte ancje lui si jere presentât dut tirât a lustri tant che un pipin... (Cu la colaborazion de Arlef Agjenzie regjonâl pe lenghe furlane).
© RIPRODUZIONE RISERVATA
© RIPRODUZIONE RISERVATA A son agns che la spese le fâs Vigji. Ogni volte che al jentre inte buteghe, nol pues fâ di mancul di pensâ a cetante robe che e je in biele mostre su lis scansiis o intai conzeladôrs. Miârs e miârs di scjatutis, di bustutis, di bocins, di sacuts, di bussulotuts ducj metûts in file. Al crot che no sedi cussì facil gjestî une buteghe, ancje parcè che une grande part di chei prodots li a àn une date di scjadince e duncje a àn di jessi gjavâts e sostituîts par timp. La maravee pai voi e je cuant che al rive intal repart des pomis e des verduris. Côi e côi di robe, mil colôrs e ogni altre zornade un gnûf tip di pome o di verdure che al va a zontâsi sui riplans za straplens. Pardabon rivino a vendi intune zornade dute che robe li? Nol è mighe pussibil. Il zûc de strategjiis di marcjât al vûl che la int e vebi a disposizion cent voltis la robe che di fat i coventarès, in maniere che e compri almancul il dopli di ce che e à dibisugne. Tropis voltis, par esempli, cuant che si va a cene fûr, si rive a cjase cu la panze pronte a tirâ un ton? O vin mangjât cui voi e il stomi al à dome scugnût sta cidin e parâ jù. Il nestri Vigji al crôt che o sedin obleâts a compuartâsi intune maniere za fissade, propit par vie di ciertis regulis dal marketing, cundut che no lis vin mai letis. Nissun al comprarès lis trisculis se a nt fossin nome cuatri e butadis li a sdavàs intune casselute. Si vise ancje che la prime volte che al jere lât fûr cu la sô femine, al jere restât une vore impressionât par chê cotule curte che e meteve in mostre dôs gjambis lungjis e perfetis. A saressin stadis impecabilis ancje sot i bregons, ma l'efiet nol sarès stât compagn! Al à di ameti, dut câs, che chê prime volte ancje lui si jere presentât dut tirât a lustri tant che un pipin... (Cu la colaborazion de Arlef Agjenzie regjonâl pe lenghe furlane).
© RIPRODUZIONE RISERVATA
