In ricordo di Galliano Lucchini
QUEL NOSTRO ULTIMO SALUTO ( La scomparsa de un caro amigo )
Se vedemo presto, scalda l'aria e se incontraremo magari anca quà dabasso,
sentai al fresco in Rio Marin.
Ma ti gà mancà de parola, ma no par colpa
tua, ma par colpa de quela bruta vecia
schissa vestia de nero.
Za me imagino, la gavarà spalancà
la porta,dai che ndemo, no posso
ti gavarà risposto, vien pi tardi.
Go da trovarme con un amigo gò dà
la mia parola, gnanca lu nol sta ben
va via che te convien.
No posso, quà xe scrito tuto, zorno e l'ora,
no ghè verso no la sente, la se gode
sentir i lamenti de la brava zente.
Anca sensa scarpe la t'ha portà via,
quela bruta scarpia, go savesto tuto
tuti se gà metuo in luto.
Son mi che no son vegnudo, massa
tardi lo gò savudo, me despiase
no aver possudo consolarte.
Posso assicurarte che su do bogi
in mente me tornava la nostra
infansia e zoventù passada.
Mai la restarà cancelada, i nostri
ricordi su quel ponte dei Garzoti
la nostra zoventù da tanti ani passada.
Tuti i nostri amisi ti trovarà, insieme
co lori i ricordi ti rivivarà,
le nostre serate in barca, o a teatro.
Le nostre confidense, le prime emossion,
quela compagnia filodrammatica
che purtropo se scurta sempre de pi.
Le recite, le prove, i applausi, che
sodisfassion, cussì ripasso da solo
quasi 80 ani passai in compagnia.
Par el momento siemo restai pocheti
in 3 su quela foto de grupo de la
"Juventu Docet" San Simeon.
Attori in erba, pieni de bona volontà,
sinceri amiçi afetuosi, gnente ne
fermava, tuta la parochia ne amava.
Spero tanto che qualched'un possa
vedar e lezar, che no ti ghe sii più
el xe un dolor profondo.
Bondi Galliano, amigo mio afetuosoo,
de essar sta to amigo ghe ne son fiero,
ne ligava un sentimento fraterno sincero.
Par la fondamenta dei Garzoti passarò
e un tavolin co do careghe trovarò,
el nostro dialogo da solo continuarò.
Gian Paolo Trabucco
Zanipolo 31.Marzo 2019
© RIPRODUZIONE RISERVATA QUEL NOSTRO ULTIMO SALUTO ( La scomparsa de un caro amigo )
Se vedemo presto, scalda l'aria e se incontraremo magari anca quà dabasso,
sentai al fresco in Rio Marin.
Ma ti gà mancà de parola, ma no par colpa
tua, ma par colpa de quela bruta vecia
schissa vestia de nero.
Za me imagino, la gavarà spalancà
la porta,dai che ndemo, no posso
ti gavarà risposto, vien pi tardi.
Go da trovarme con un amigo gò dà
la mia parola, gnanca lu nol sta ben
va via che te convien.
No posso, quà xe scrito tuto, zorno e l'ora,
no ghè verso no la sente, la se gode
sentir i lamenti de la brava zente.
Anca sensa scarpe la t'ha portà via,
quela bruta scarpia, go savesto tuto
tuti se gà metuo in luto.
Son mi che no son vegnudo, massa
tardi lo gò savudo, me despiase
no aver possudo consolarte.
Posso assicurarte che su do bogi
in mente me tornava la nostra
infansia e zoventù passada.
Mai la restarà cancelada, i nostri
ricordi su quel ponte dei Garzoti
la nostra zoventù da tanti ani passada.
Tuti i nostri amisi ti trovarà, insieme
co lori i ricordi ti rivivarà,
le nostre serate in barca, o a teatro.
Le nostre confidense, le prime emossion,
quela compagnia filodrammatica
che purtropo se scurta sempre de pi.
Le recite, le prove, i applausi, che
sodisfassion, cussì ripasso da solo
quasi 80 ani passai in compagnia.
Par el momento siemo restai pocheti
in 3 su quela foto de grupo de la
"Juventu Docet" San Simeon.
Attori in erba, pieni de bona volontà,
sinceri amiçi afetuosi, gnente ne
fermava, tuta la parochia ne amava.
Spero tanto che qualched'un possa
vedar e lezar, che no ti ghe sii più
el xe un dolor profondo.
Bondi Galliano, amigo mio afetuosoo,
de essar sta to amigo ghe ne son fiero,
ne ligava un sentimento fraterno sincero.
Par la fondamenta dei Garzoti passarò
e un tavolin co do careghe trovarò,
el nostro dialogo da solo continuarò.
Gian Paolo Trabucco
Zanipolo 31.Marzo 2019