LA RUBRICA
Za di un piês, ogni buinore al à une cuistion di chês cu la femine e simpri pes stessis resons: al à di mandâ jù almancul dîs chilos se al vûl rivâ ai cincuante agns e al à di meti adun il muret che al cor denant di cjase. Ma parcè la int, o miôr la femine, no si cuietie un freghenin? Al è li di cuant che si è maridât che chel mûr al spiete di jessi sistemât e nol à mai dite nuie par dut chest timp, come ancje la sô panze, che no bruntule mai. In fin dai fats, al à pûr za puartât dongje dut il materiâl che al coventarà pal lavôr e no ise vere che al è stât dal miedi e che chel i à dât dute une diete di fâ? Sì, ben, al scuen ancje ameti che par cuistâ i modons, il ciment e i pichets i son coventâts vincj agns, però li dal miedi al è stât, plui o mancul, za dîs agns indaûr e di chê volte il sfuei cu la diete al è picjât in bande dal frigorifar. Lui si calcole un cul cûr sensibil e nol rive a dî di no a di nissun. Ancje se une robe no i va propite di fâle, ma al viôt che la persone che i sta denant, che une vore dispès e je la sô femine, e insist e i ten une vore a chê cjosse alì, ae fin al promet simpri che a pene pussibil le fasarà. E doman? Doman e sarà une altre zornade. Intant la cuistion dal mûr e je stade bielzà sistemade une volte par dutis: îr l'altri un camion di chei grancj al à cjapade di buride la curve che puarte fûr dal paîs e si è imbarcjât di brut, lant cussì a fracassâsi intal muret di cjase sô. Lu à sdrumât dut, fûr par fûr. E pensâ che a pene la setemane passade i jere vignude chê di tacâ a metii man. Ben, par fortune che la voie i jere durade nome cinc minûts. Pe panze, invezit, al à decidût che il prossim an al viodarà di scomençâ a fâ il brâf, o almancul a pensâi parsore. (Cu la colaborazion de ArlefAgjenzie regjonâl pe lenghe furlane).
© RIPRODUZIONE RISERVATA
© RIPRODUZIONE RISERVATA Za di un piês, ogni buinore al à une cuistion di chês cu la femine e simpri pes stessis resons: al à di mandâ jù almancul dîs chilos se al vûl rivâ ai cincuante agns e al à di meti adun il muret che al cor denant di cjase. Ma parcè la int, o miôr la femine, no si cuietie un freghenin? Al è li di cuant che si è maridât che chel mûr al spiete di jessi sistemât e nol à mai dite nuie par dut chest timp, come ancje la sô panze, che no bruntule mai. In fin dai fats, al à pûr za puartât dongje dut il materiâl che al coventarà pal lavôr e no ise vere che al è stât dal miedi e che chel i à dât dute une diete di fâ? Sì, ben, al scuen ancje ameti che par cuistâ i modons, il ciment e i pichets i son coventâts vincj agns, però li dal miedi al è stât, plui o mancul, za dîs agns indaûr e di chê volte il sfuei cu la diete al è picjât in bande dal frigorifar. Lui si calcole un cul cûr sensibil e nol rive a dî di no a di nissun. Ancje se une robe no i va propite di fâle, ma al viôt che la persone che i sta denant, che une vore dispès e je la sô femine, e insist e i ten une vore a chê cjosse alì, ae fin al promet simpri che a pene pussibil le fasarà. E doman? Doman e sarà une altre zornade. Intant la cuistion dal mûr e je stade bielzà sistemade une volte par dutis: îr l'altri un camion di chei grancj al à cjapade di buride la curve che puarte fûr dal paîs e si è imbarcjât di brut, lant cussì a fracassâsi intal muret di cjase sô. Lu à sdrumât dut, fûr par fûr. E pensâ che a pene la setemane passade i jere vignude chê di tacâ a metii man. Ben, par fortune che la voie i jere durade nome cinc minûts. Pe panze, invezit, al à decidût che il prossim an al viodarà di scomençâ a fâ il brâf, o almancul a pensâi parsore. (Cu la colaborazion de ArlefAgjenzie regjonâl pe lenghe furlane).
© RIPRODUZIONE RISERVATA
