LA RUBRICA
Maridâts za di cinc agns, lis setemanis si son corudis daûr tant che matis, ma dutis compagnis. Il lunis, il miercus e la joibe: television; di martars il cors di bal di kizomba; il vinars in sale di bal a meti in vore ce che a vevin imparât il martars; di sabide la pize cu la stesse cubie di amîs e simpri intal stes lûc; la domenie di sere no si pues dî, ma si po imagjinâ. Stant che la femine e je une patide dal benstâ, il lôr mangjâ al è fat soredut di mignestrons di verduris, di cereâi e di liùms. La domenie a misdì, sô madone ur prepare simpri i tortelins cul brût di gjaline. Di cualchi mês incà, però, lui nol rive a durmî ben: di fat al è malcuiet e si sint tant che un bussulot vueit. Cussì al decît di lâ li dal psicolic. Tantis cjacaris, mil domandis e, passâts nûf mês, il miedi i dîs che no i cjate nuie di stramp e che, forsit, i coventarès nome cjoli cualchi vitamine. Sîs mês daspò, dopo vê parade jù une camionade di pirulis, la situazion e je lade in piês: la gnot nol duar cuasi nuie, impen vie pal dì i voi si sierin di bessôi e al è dut un sossedâ continui. Alore al prove a lâ li di un altri miedi: intal imprin la stesse solfe, un milion di domandis e di cjacaris, dopo doi mês, dut câs i dîs che par un toc no si saressin viodûts, ma che i deve une diete che al varès vût di rispietâ in dut e par dut. Dôs voltis par setemane pastesute, une volte risot cu la luianie, une domenie tortelins in brût e une poleç rost, il frico almancul une volte al mês e cussì ancje la fertaie e la bisteche. Di vinars al varès vût di alternâ une volte chel sacrabolt di bal là e, la volte dopo, che a ledin a balâ la polche. Une volte par setemane lâ fûr a bevi un tai cui siei amîs -nome oms-. Une sabide la pize e chê altre cjar su la gridele. Par finî: mancul television e plui domeniis di sere, che a podaressin colâ ancje di joibe. (Cu la colaborazion de Arlef).
© RIPRODUZIONE RISERVATA
© RIPRODUZIONE RISERVATA Maridâts za di cinc agns, lis setemanis si son corudis daûr tant che matis, ma dutis compagnis. Il lunis, il miercus e la joibe: television; di martars il cors di bal di kizomba; il vinars in sale di bal a meti in vore ce che a vevin imparât il martars; di sabide la pize cu la stesse cubie di amîs e simpri intal stes lûc; la domenie di sere no si pues dî, ma si po imagjinâ. Stant che la femine e je une patide dal benstâ, il lôr mangjâ al è fat soredut di mignestrons di verduris, di cereâi e di liùms. La domenie a misdì, sô madone ur prepare simpri i tortelins cul brût di gjaline. Di cualchi mês incà, però, lui nol rive a durmî ben: di fat al è malcuiet e si sint tant che un bussulot vueit. Cussì al decît di lâ li dal psicolic. Tantis cjacaris, mil domandis e, passâts nûf mês, il miedi i dîs che no i cjate nuie di stramp e che, forsit, i coventarès nome cjoli cualchi vitamine. Sîs mês daspò, dopo vê parade jù une camionade di pirulis, la situazion e je lade in piês: la gnot nol duar cuasi nuie, impen vie pal dì i voi si sierin di bessôi e al è dut un sossedâ continui. Alore al prove a lâ li di un altri miedi: intal imprin la stesse solfe, un milion di domandis e di cjacaris, dopo doi mês, dut câs i dîs che par un toc no si saressin viodûts, ma che i deve une diete che al varès vût di rispietâ in dut e par dut. Dôs voltis par setemane pastesute, une volte risot cu la luianie, une domenie tortelins in brût e une poleç rost, il frico almancul une volte al mês e cussì ancje la fertaie e la bisteche. Di vinars al varès vût di alternâ une volte chel sacrabolt di bal là e, la volte dopo, che a ledin a balâ la polche. Une volte par setemane lâ fûr a bevi un tai cui siei amîs -nome oms-. Une sabide la pize e chê altre cjar su la gridele. Par finî: mancul television e plui domeniis di sere, che a podaressin colâ ancje di joibe. (Cu la colaborazion de Arlef).
© RIPRODUZIONE RISERVATA
