Ma el sarà un nadàe da poarèti. Ghe ze cussì tanta crisi che sto ano, nea gròta del Presepio, ze spuntà l'insegna: «Conpro oro, incenso e mira». Mi 'sto ano me so contentà del'Arbre magique . «Popà cossa me feto trovàre, sto ano, soto l'albaro?» «El pavimento !». Co sta crisi, l'Agensia de vigilansa economica Europea ga declassà el Santisìmo Nadàe cavandoghe a dopia SS. Un me amigo el me ga dito che, co tute e tasse chel ga da pagare, da qua a fine dicenbre nol se podarà permetare gnanca a carta igienica. Mah, so restà sensa paròe, no so se, a Nadàe, lo invito casa miaà Me cugnà me ga domandà: «Ti cossa fèto par Nadàe?» «Ingrasso» go risposto pronto. Nel pomerigio, dopo l'inbugàda del pranso de Nadàe, no savèmo pi cossa fare parchè, disemolo ciàro, a ze a giornata pì noiosa del'ano. El divertimento ze tuto nel pareciàrlo el Nadàe, pì che nel viverlo. Nel linguagio ghe ze a spiegassiòn. Prova pernsarghe? Ste feste e finisse in «oni»: vegliòni, panetòni, toròni, cenòni, doni, capitònià do maròni! Ze el momento de fare 'na riflessiòn, un bilancio sula vita. Ghe ze zente che tira fora e bàe 'na volta al'anoà a Nadàe, par fare l'albaro. Te capissi che te si drio deventare vecio quando, pae feste de Nadàe te speti a tredicesima e no Babo Nadàe. Te te inacorsi de èssare deventà grando quando a Nadàe no te desideri più i zugatoi, ma e persone. El Nadàe, in fondo, definisse tuti i quatro stadi dea vita: el primo, quando te credi a babo Nadàe. El secondo, quando no te ghe credi più. El terso, quando te te vesti da Babo Nadàe. El quarto quando te ghe someji spuà a Babo Nadàe. Co 'sto Nadàe de crisi: ghe ze babo nadàe chel va, ju stesso, a dire in giro che no l'esiste, par no portàre regài a nessùn. Me nevodo sto ano el ga scrìto a letera a Babo Nadàe sua carta vetràta. El me ga dito: «Vedèmo, zio, se anca sto ano el se neta el dadrìo coa me leterìna?!». Epure, pensa che in Europa, un adulto so tre, crede ancora a Babo Nadàe. E, in Italia, adiritura i lo vota.
Le Bronse Querte
Le Bronse Querte