(...) Ghe ze cussì tanta crisi che a zente speta i saldi par conprarse e pesse

Domenica 30 Luglio 2017
(...) Ghe ze cussì tanta crisi che a zente speta i saldi par conprarse e pesse al culo nove. Al'IKEA ghe ze l'oferta anti-crisi: corda e sgabèo a 9,99. El Governo no se fa capire: Ma cossa vol dire crisi e default e debito ? Na volta se disèva Semo nea cacca e se capivimo tuti. Che a situassiòn noa ze par gnente bona lo go capìo quando che ghe go domandà un prestito al diretore dea me banca, fin chel me netàva el parabressa al semaforo. A banca noa me ga dà credito pal mutuo, a dise che no ghe dago suficienti garansie, ansi a me ga anca domandà de spostarme un fià più in la coi cartòni. Ze colpa dea pressiòn fiscàe? Ormai el nostro corpo ze fato par el 70 % de aqua e el 22 % de IVA. Pare che no sia del tuto vero che in Italia no ghe ze lavoro. Tanti me ga dito che i lo ga trovà par strada. Se capisse che no ghe ze lavoro quando te vedi che i ansiani, invesse de vardàre i lavori nei cantieri, i ze tornà tuti in bar a zugare a carte. Ghe ze cussì tanti disocupà in Italia che nel'oroscopo invesse dea sessiòn lavoro i ga messo tempo libero . A so cussì depresso e sfiducià che nel curiculum ala voce sesso go scrito: Pocognente e nea fotografìa go perso tuti i caveji. No go trovà nessun disposto a farme na letera de racomandassiòn, alòra mea ga fata me nona che a ga scrito beo in grando: Sta tento a no ciapàre fredo!. Me nevodo dopo aver mandà via sentenàri de curiculum, finalmente qualcun se ga degnà de risponderghe. A ze na denuncia par stalking!. Bisogna anca dire però che a zente, al giorno d'ogi, a ga dee pretese asurde: conosso uno che voe adiritura èssare pagà par lavorare. No ghe ze schei, questo ze el fato! Na volta se diseva che i schei fa la felicitàadesso, al massimo, ghe ze a racolta punti. L'unico che investe oncora in Italia ze el maltenpo! Forse l'unica speransa che gavèmo ze el vin. El vin italiano poe risolevàre el Paese. No serve venderlo, basta berlo.
Le Bronse Querte

PIEMME

CONCESSIONARIA DI PUBBLICITÁ

www.piemmemedia.it
Per la pubblicità su questo sito, contattaci